නාගරික සංවර්ධන අධිකාරිය
நகர அபிவிருத்தி அதிகாரசபை
Urban Development Authority
Published 6 months ago
இந்த இடுகைக்கு கருத்துகள் இயக்கப்படவில்லை.
கருத்துகள் பதிவேற்றப்படுகின்றன...
Fetching the latest discussions
නාගරික සංවර්ධන අධිකාරිය විසින් ක්රියාත්මක කරන සංවර්ධන සැලසුම් අනුව, ප්රකාශිත නාගරික සංවර්ධන බල ප්රදේශයන්හි භෞතික, ආර්ථික, සමාජීය හා පාරිසරික අංශයන් පිළිබඳ විශේෂ අවධානයක් යොමු කරමින් කඩිනමින් තිරසාර සංවර්ධනයක් ඇති කිරීම අරමුණ වේ.
සංවර්ධන සැලසුම් සකස් කිරීම නාගරික සංවර්ධන අධිකාරියේ ප්රධාන කාර්යභාරයකි. ඒ අනුව විධිමත් සංවර්ධන සැලැස්මක් ක්රියාත්මක කිරීම සඳහා නගර සභා බල ප්රදේශ සහ ප්රාදේශීය සභා බල ප්රදේශ ඒකාබද්ධ කරමින් සමස්ත ප්රදේශය ආවරණය වන පරිදි සැලසුම් සකස් කර ඇත.
1978 අංක 41 දරණ නාගරික සංවර්ධන අධිකාරී පනත අනුව සහ එහි සංශෝධන ප්රතිපාදන අනුව, අදාළ ප්රදේශ නාගරික සංවර්ධන බල ප්රදේශ ලෙස ගැසට් කර ඇත. එමගින් ප්රාදේශීය ලේකම් කොට්ඨාශයට අයත් නගර සභා සහ ප්රාදේශීය සභා බල ප්රදේශ නාගරික සංවර්ධන අධිකාරියේ බල ප්රදේශයන් ලෙස ප්රකාශයට පත් කර ඇත.
ඒ අනුව, අදාළ ප්රදේශයේ භූමි ප්රමාණය වර්ග කිලෝමීටර් 30 කට අධික ප්රමාණයක් ආවරණය වන පරිදි සංවර්ධන සැලැස්ම සකස් කර ඇත. මෙම සැලැස්ම 2024–2033 කාලය සඳහා වලංගු වන පරිදි, නගර සභා සහ ප්රාදේශීය සභා බල ප්රදේශ දෙකම ඒකාබද්ධ කරමින් ප්රාදේශීය ලේකම් කොට්ඨාශ මට්ටමින් ක්රියාත්මක කිරීමට සැලසුම් කර ඇත.
සැලසුම් බල ප්රදේශය තුළ පවතින භෞතික, ආර්ථික, සමාජීය හා පාරිසරික වත්කම් සංවිධානය කර, සංචාරක, කෘෂිකාර්මික හා වාණිජ ආර්ථික විභවයන් හඳුනාගෙන ඒවා ප්රවර්ධනය කිරීම මෙම සැලැස්මේ ප්රධාන අරමුණකි.
ඒ අනුව දේශීය සහ විදේශීය ආයෝජකයින්ට ආකර්ෂණීය පරිසරයක් නිර්මාණය කිරීමත්, ප්රදේශයේ ජනතාවට උසස් ජීවන තත්ත්වයක් සපයන තිරසාර සංවර්ධනයක් ඇති කිරීමත් දිගුකාලීන අරමුණ ලෙස මෙම සංවර්ධන සැලැස්ම සකස් කර ඇත.
